kwen
 
PRENA
TOKYNYOW
PRENA TOKYNYOW

LOGH, KERNOW, UK

Ogas hag unnik war an trogylgh, Gool Ilow Logh a hwer yn kres tre vorek, hy gwarivaow chif war dreth linennys gans alsyow serth ha gwariva an dre ryb an porth bysi. Py le pynag may firir yma gwelyow marthys, skochfordhow dhe hwithra, diwottiow may hyllir kelli dydh ynna…

An didhan a dhalleth dhe 4wh dy’Gwener ha’n gwarivaow a dhege dhe a-dro dhe 11wh dy’Sul kyn pes an didhan yn barrow leel bys yn eur dhiwedhes.

Logh a’s teves dewis bryntin a ostyansow havysi ughel aga hwalita, ytho mars eder ow hwilas krowji dy’gool, ostel, G&H, park tornyas, splatt tylda po gwesti, hwi a wra kavos neb le splann rag godriga ynno yn Gool Ilow Logh. A siewgh neppyth tamm dyffrans? Hwi a yll dewis dhyworth kodhow, tipis, krowyow prenn, po chiow tiek yn ranndir Logh ynwedh. Na wrewgh marnas kavos ostyans ha’y erghi, kibya agas tokynyow gool hedre vo hwath possybyl hag ena omdhiskwitha ha mires yn-rag dhe bennseythen vryntin a ilow vyw y’gan tre deg arvorel.

Dyghtys gans Plymouth City Bus, agan servis kyttrin gwennel a jun oll an parkow dy’gool chif dhe’n dre ha kemeres tus dhyworth Porthpyra ha Porthledan. An servis a res dres an bennseythen oll bys yn 1kh hag a gemmer tus pub 20 mynysen dhyworth Porthpyra (Crumplehorn), Seaview Holiday Park, Killigarth Manor, Trelawne Manor, Westwaylands, Tencreek Holiday Park, Baya Logh, Caravan Club/Dovers House, Tregoad Park, Porthledan/Park Powdir Logh. Viajbrisyow yw £1.50 pub tu hag y hyllir prena Supersavers y’n kyttrin. Gesewgh agas karr y’gas ostyans hag enjoya viaj berr ha tegwelek y’n kyttrin dhe’n dre. Y hyllir kerdhes, heb mar, a-hys an hyns soth-west gorvarthys, po kavos skath hogen mars yw gwiw an mortid. Y hyllir dos ynwedh rag an jydh. Ni a brof treusporthow kochys dhyworth Aberplymm ha Lyskerrys (gans Plymouth City Bus).

Tencreek Holiday Park ha Tregoad Park a’s teves fardellow ostyans + tokynyow gool a yllir prena warlinen.  Checkyewgh an pyth a brof pub park dre glyckya an kevrennow war agan folen tokynyow.

Y hyllir ynwedh iskarga rol a dylleryow may hyllir godriga y’n ranndir ma.  Yma neppyth rag pub discernyans ha bojet, mes res yw bos skav – y hwerthir glan yn uskis!

KLYCKYEWGH OMMA RAG ROL A DHEWISYOW OSTYANS YN RANNDIR LOGH